कलैया। गोली प्रहारबाट घाइते भएका प्रधानाध्यापक रुपेश स्वर्णकारको मृत्यु भएको छ । बारामा कलैयास्थित बाल एकता बोर्डिङ स्कुलका प्रधानाध्यापक स्वर्णकारमाथि अज्ञात समूहले गोली प्रहार गरेका थिए ।
अज्ञात समूहले उनको टाउको र छातीमा गोली प्रहार गरेका थिए । प्रहारबाट गम्भिर घाईते भएका स्वर्णकारको उपचारको क्रममा वीरगन्जस्थित बयोधा अस्पतालमा मृत्यु भएको बाराको सिडिओ नवराज सापकोटाले जानकारी दिए । कलैया अस्पतालमा उपचार हुन नसकेपछि उनलाई बयोधा अस्पताल लगिएको थियो ।
गोली प्रहार गर्ने अज्ञात समूहको खोजीकार्य भईरहेको प्रहरीले जनाएको छ ।
