एजेन्सी । एसिया कप–२०२३ को फाइनल खेल भारत र श्रीलंकाबीच केही बेरमा कोलम्बोको आर प्रेमदासा स्टेडियममा हुँदैछ । श्रीलंकाले टस जितेर ब्याटिङ गर्ने निर्णय गरेको छ । अहिले पानी पर्न थालेपछि मैदान ढाकिएको छ ।
दुवै टोलीमा एक–एक परिवर्तन गरिएको छ । श्रीलंकाका कप्तान दासुन शनाकाले घाइते महिश तिक्षाणाको स्थानमा दुशन हेमन्तलाई खेलाएका छन् भने भारतीय कप्तान रोहित शर्माले चोटका कारण बाहिरिएका अक्षर पटेलको स्थानमा वाशिङ्टन सुन्दरलाई मौका दिएका छन् ।
