एजेन्सी । एसिया कप क्रिकेट अन्तर्गत सुपर फोरमा श्रीलंकाले बंगलादेशलाई २ सय ५८ रनको लक्ष्य दिएको छ ।
कोलम्बोमा टस हारेर पहिले ब्याटिङको निम्तो पाएको श्रीलंकाले ५० ओभरमा ९ विकेट गुमाएर २ सय ५७ रन जोड्यो ।
उसका लागि सदीरा समरविक्रमाले सर्वाधिक ९३ रन बनाए भने कुलश मेन्डिसले ५० रन बनाए । बलिङतर्फ बंगलादेशका तस्कीन अहमद र हसन महम्मदले तीन तीन विकेट लिए ।
सुपर फोरमा सबै टोलीले एक अर्कासँग खेलेपछि शीर्ष दुई टोली फाइनल पुग्नेछन् । एसिया कपमा सहभागी नेपाल र अफगानिस्तान भने समूह चरणबाटै बाहिरिए ।
