काठमाडौँ । प्रधानमन्त्री पुष्पकमल दाहाल ‘प्रचण्ड’ ले कोशी प्रदेशमा राप्रपाले गठबन्धनलाई सहयोग गर्ने विश्वास जनाउनुभएको छ ।
मंगलवार प्रतिनिधि सभा बैठकबाट बाहिरिने क्रममा सञ्चारकर्मीहरुलाई संक्षिप्त प्रतिक्रिया दिँदै उहाँले संसदीय समिति बनाउँदा राप्रपासँगको सहमतिले कोशीमा सरकार गठन र पूर्णता दिने कुरालाई सहजता ल्याउने बताउनुभयोे । उहाँले कोशी सरकार सफल हुने पनि बताउनु भयो ।
उहाँले भन्नुभयो – ‘मलाई लाग्छ सरकार फेल खाएको छैन र फेल खाँदैन । सरकार सफल हुन्छ । छलफल सकारात्मक ढंगले नै अगाडी बढ्छ भन्ने मेरो विश्वास छ । हिजो सदनमा समिति बनाउँदा जुन सहमतिको वातावरण बनेको छ, त्यसले सरकार गठन र पूर्णता दिने कुरामा पनि सहजता ल्याउँछ भन्ने मेरो विश्वास छ ।’
प्रधानमन्त्री दाहालले सरकार फेल नहुने बताउनु भयो ।
