एजेन्सी । इंग्लिस प्रिमियर लिग फुटबल अन्तर्गत म्यान्चेस्टर सिटीले लगातार दोस्रो जित निकालेको छ ।
गएराति भएको खेलमा सिटीले न्युक्यासल युनाइटेडलाई १–० गोलले पराजित गरेको हो ।
सिटीलाई घरेलु मैदानमा जित दिलाउन एकमात्र निर्णायक गोल युलियन अल्भारेजले गरे । उनले खेलको ३१ औं मिनेटमा गोल गरेका थिए ।
जितसँगै सिटी २ खेलबाट ६ अंकका साथ तालिकाको दोस्रो स्थानमा रहेको छ । न्युक्यासल समान खेलबाट २ अंकका साथ तालिकाको छैटौं स्थानमा छ ।
