![](https://newspolar.com/wp-content/uploads/2023/07/sashank-koirala.jpg)
काठमाडौँ । नेपाली काँग्रेसका नेता डा.शशांक कोईरालाले राम्रो मान्छे चुनेर मात्रै क्रियाशील सदस्यता दिनुपर्ने बताउनुभएको छ ।
आईतवार पार्टीको केन्द्रिय समिति बैठकमा बोल्दै नेता कोईरालाले क्रियाशील सदस्य बढाएर मात्रै पार्टी संगठित नहुने धारणा राख्नुभयो । उहाँले कांग्रेसको निति ठिक हो भनेर मनैदेखि नलागेसम्म क्रियाशील सदस्य बढाउनु नहुने बताउनु भयो । उहाँले राम्रो मान्छे चुनेर मात्रै क्रियाशील सदस्यता दिनुपर्ने बताउनु भयो । उहाँले केन्द्रका नेताहरुले टिकट वितरण नगरेर स्थानिय समितिलाई जिम्मेवारी दिनुपर्ने पनि बताउनु भयो ।
उहाँले भन्नुभयो – ‘हामीले कस्तो किसिमको क्रियाशील दिदैछौँ ? केन्द्रबाट दिदैछौँ, हामीले वडा, टोलबाट दिइरहेका छौ कि ? क्रियाशिल सदस्य बढाएर मात्रै पार्टी संगठित हुँदैन । जबसम्म भित्रबाट लाग्दैन कि काँग्रेसको निति ठिक हो भनेर । तसर्थ बढाउनतर्फ नलागौँ । राम्रो मान्छे चुनेर मात्रै गरौँ । नेपाली काँग्रेसको केन्द्रिय समितिले पनि अब बिकेन्द्रिकरण गर्नुप¥यो । सबैभन्दा महत्वपूर्ण जिल्ला सभापतिहरु भन्दापनि वडा अध्यक्षहरु हुन् । हामी केन्द्रमा बसेर भन्छौँ फलानोलाई टिकट दिनुप¥यो भनेर । वस्तुस्थिति हामीलाई थाहा हुँदैन । त्यहाँको को व्यक्ति उपयुक्त हो ? कसले समाजमा प्रतिष्ठा बोकेको छ ? कसले एउटा दिशा दिनसक्छ ? केन्द्रमा बसेर निर्णय गर्ने यो ठिक भएन ।’
नेता कोईरालाले पार्टीले आगामी २० वर्षका लागि आफ्नो बाटो तय गर्नुपर्ने बताउनु भयो । पार्टीले आफ्नो लक्ष्य स्पष्ट पार्नुपर्ने भन्दै उहाँले सत्तामा जानेमात्र होइन रुपान्तरण गर्नुपर्नेमा जोड दिनुभयो । उहाँले पार्टीभित्रको गुट, उपगुटको पनि अन्त्य गर्नुपर्ने बताउनु भयो ।