काठमाडौँ । श्रीलंकामा जारी एसीसी इमर्जिङ टिम्स एसिया कपको उपाधिका लागि भारत ए र पाकिस्तान ए बीच प्रतिस्पर्धा हुँदैछ ।
फाइनल खेल नेपाली समयानुसार दिउँसो सवा दुई बजे आर प्रेमादशा अन्तर्राष्ट्रिय क्रिकेट रंगशालामा हुनेछ । भारत र पाकिस्तानबीचको हरेक खेलहरु प्रतिष्ठाका लागि पनि लडाई हुने भएकाले आजको फाइनल खेल रोमाञ्चक हुनेछ ।
सेमिफाइनलमा भारत ए ले बंगलादेश ए लाई तथा पाकिस्तान ए ले श्रींलंका ए लाई हराउँदै फाइनलमा स्थान बनाएको हो ।
समूह ए र बी गरी दुई समूहमा विभाजन गरिएको यस प्रतियोगितामा श्रींलंका, बंगलादेश, अफगानिस्तान, ओमान, भारत, पाकिस्तान, नेपाल, यूएईले सहभागिता जनाएका थिए । नेपालले यस प्रतियोगिता खेल्न राष्ट्रिय टोली नै पठाएको थियो भने अन्य टोलीले ए टिम पठाएका थिए ।
