काठमाडौँ । एसीसी इमर्जिङ टिम्स एसिया कपको उपाधिका लागि भारत ए र पाकिस्तान ए बीच प्रतिस्पर्धा हुने भएको छ । शुक्रबार कोलम्बोमा भएको सेमिफाइनल खेलमा बङ्गलादेश ए लाई हराउँदै भारत फाइनलमा पुगेको हो ।
भारतले दिएको २ सय १२ रनको लक्ष्य पछ्याएको बङ्गलादेश ३४ ओभर २ बलमा १ सय ६० रनमै अलआउट भयो । बङ्गलादेशका तन्जिद हसनले सर्वाधिक ५१ रन बनाए । बलिङतर्फ भारतका निशान्त सिन्धुले ५ विकेट लिए ।
यस्तै , शुक्रबार नै भएको पहिलो सेमिफाइनलमा श्रीलङ्कालाई ६० रनले हराउँदै पाकिस्तानले फाइनलमा स्थान बनाएको हो ।
पाकिस्तानले दिएको ३ सय २३ रनको लक्ष्य पछ्याएको श्रीलङ्का ४५ ओभर ४ बलमा २ सय ६२ रनमा अलआउट भयो ।
श्रीलङ्काका अभिष्का फर्नान्डो र शहन अर्चचिगेले समान ९७ रन बनाए पनि टोलीलाई जित दिलाउन सकेनन् । बलिङतर्फ पाकिस्तानका अर्शद इक्बालले ५ विकेट लिए ।
त्यसअघि टस जितेर पहिले ब्याटिङ गरेको पाकिस्तानले निर्धारित ५० ओभरमा सबै विकेट गुमाएर ३ सय २२ रन बनायो ।
पाकिस्तानका ओभर युसुफले सर्वाधिक ८८ रन बनाए । यस्तै मोहम्मद ह्यारिसले ५२ र मुबासिर खानले ४२ रन बनाए ।
फाइनल खेल आइतबार सवा २ बजे हुनेछ ।
