काठमाडौँ । पूर्वराजा ज्ञानेन्द्र शाहले आज ७७ औँ जन्मदिन मनाउँदै हुनुहुन्छ । जन्मदिनको अवसरमा नागरिक मुल समारोह समितिले बिभिन्न कार्यक्रमको आयोजना गरेकाछन् ।
आज बिहान पूर्वराजालाई शुभकामना व्यक्त गर्न निर्मल निवास पुगि सचिवालयमा अभिनन्दन पत्र र पुष्पगुच्छाहरु बुझाएका छन् । समितिका अध्यक्ष केशोरी महतोका अनुसार पूर्वराजाको सुस्वास्थ्य र दीर्घायूको कामना गर्दै ७ बजेर ७ मिनेट जाँदा ७७ वटा दीप प्रज्वलन गर्ने कार्यक्रम रहेको छ ।
प्रतिकात्मक श्रीपेच राखेर दीप प्रज्वलन गर्ने तयारी आयोजकहरुले गरेका छन् । पूर्वराजा शाह आफ्नो जन्म दिन मनाउन ललितपुरको लाँकुरी भञ्ज्याङमा रहेको टेरेस रिसोर्टमा पुग्नु भएको छ । बुधबार दिउँसो परिवारका सदस्यहरुसहित सो रिसोर्ट पुग्नु भएको हो ।
