काठमाडौं। प्रहरीले नाबालिगलाई क्लबभित्र प्रवेश गराएको आरोपमा एलओडीका अर्का सञ्चालक रुदिल बल्लव श्रेष्ठलाई पक्राउ गरेको छ।
प्रहरीले उनलाई शुक्रबार पक्राउ गरेको हो । यसअघि बिहीबार अर्का सञ्चालक राजुसिंह सुवाल पक्राउ परेका थिए।
प्रहरीका अनुसार उनीहरुलाई बालबालिका सम्बन्धी ऐन, २०७५ उल्लंघन गरेको आरोपमा पक्राउ गरिएको हो। एलओडीमा जेठ ३१ गते छिरेकी एक बालिका सोही दिन सानेपामा बलात्कृत भएको पाइएपछि प्रहरीले एलओडीका सञ्चालकलाई कारबाहीको दायरामा ल्याएको हो।
