काठमाडौँ । काठमाडौँमा जारी काभा वुमन्स च्यालेन्ज कप भलिबल अन्तर्गत काजाकस्तानले फाइनलमा स्थान बनाएको छ ।
शुक्रबार साँझ त्रिपुरेश्वरस्थित राखेप कभर्डहलमा भएको खेलमा उपाधि दावेदार घरेलु टोली नेपाललाई ३–२ को सेटमा पराजित गर्दै काजाकस्तान फाइनलमा पुगेको हो ।
पहिलो सेटमा नेपालले प्रतिस्पर्धात्मक ३०–२८ ले गुमाएको थियो । त्यसपछिका दुई सेटमा नेपालले पुनरागमन गर्यो । क्रमशः २५–१६ र २५–१५ ले जित्दा नेपालको एकपक्षीय प्रदर्शन गरेको थियो । तर, चौथो सेटमा नेपालको लय असन्तुलित हुन पुग्यो ।
सुरुवातदेखि नै लामो अग्रता बनाएको काजाकस्तानले यो सेट २५–१८ ले जित्यो । न्तिम तथा निर्णायक सेटमा पहिलो अंक लिएर अग्रता बनाए पनि त्यसपछि लगातार काजाकस्तानले अंक जोड्न सफल रह्यो । अन्ततः १५–७ ले नेपालले खेल गुमाउन पुग्यो ।
काजाकस्तान र भारतले प्रतियोगिताको फाइनल खेल्ने भएका छन् । शुक्रबारै भएको पहिलो सेमिफाइनलमा भारतले उज्वेकिस्तानलाई सोझो सेटमा पराजित गर्दै फाइनलमा स्थान बनाएको थियो । नेपालले भने तेस्रो स्थानका लागि उज्वेकिस्तानसँग खेल्नेछ । प्रतियोगिताको तेस्रो स्थान र फाइनल खेल आइतबार हुनेछ ।
