एजेन्सी । इटालियल क्लब एएस रोमा युरोपा लिगको फाइनलमा प्रवेश गरेको छ । गएराति भएको सेमिफाइनलको दोस्रो लेगमा जर्मन क्लब लेभरकुसेनसँग गोलरहित बराबरी खेलेपनि रोमा समग्रमा १–० को नतिजासहित उपाधिनजिक पुगेको हो ।
रोमा यसअघि भएको पहिलो लेगमा आफ्नो घरेलु मैदानमा १–० गोलले विजयी बनेको थियो । रोमाले अब उपाधिका लागि स्पेनिस क्लब सेभियासँग प्रतिस्पर्धा गर्नेछ ।
गएराति नै भएको खेलमा सेभियाले युभेन्ट्सलाई हराउँदै फाइनलमा स्थान बनाएको छ । फाइनल खेल जुन १ मा हँगेरीको पुस्कास एरिनामा हुनेछ ।
