काठमाडौं । कांग्रेस महामन्त्री गगन थापाले पार्टी भित्र सभापति शेरबहादुर देउवाको कार्यशैली प्रति गम्भिर असहमति जनाउदै अब आफूले नयाँ निर्णय लिने जनाउनु भएको छ ।
आईतबर साँझ सामाजिक संञ्जालमा एक स्टाटस राख्दै महामन्त्री थापाले पार्टी भित्र अब त अति भएको जनाउनु भएको छ ।
कहिले प्रक्रिया चित्त बुझेन, कहिले पद्धति, कति निर्णयहरू मन परेनन्, कति आफूले राखेका विषयले प्रवेश नै पाएनन्, धेरै पटक लाग्यो प्रतिरोध गरूँ, तर हरेक पटक सोचेँ, म जिम्मेवारी लिएर बसेको छु, एउटा सीमा छ। त्यसैले कहिले मौन रहेँ त कहिले भित्रै आफ्ना मत र अडान राखेँ, लडे, साथीहरूलाई सम्झाएँ तर अब त अति भयो !
