एजेन्सी । शाहरुख खानको आगामी फिल्म ‘जवान’ यही वर्ष सेप्टेम्बर ७ मा रिलिज हुँदैछ । शाहरुख खान र फिल्मकी निर्माता गौरी खानले सामाजिक सञ्जालमा भिडियो शेयर गरेर यो जानकारी दिएका हुन् । यस फिल्मका निर्देशक एट्ली हुन् । फिल्म हिन्दी, तमिल र तेलुगु भाषामा रिलिज हुनेछ ।
जवानमा शाहरुख खानसँगै विजय सेतुपति र नयनतारा पनि देखिनेछन् । फिल्ममा विजय खलनायकको भूमिकामा छन् । यसअघि यो फिल्म जुन २ मा ठूलो पर्दामा रिलिज हुने तय भएको थियो ।
इण्डिया टुडेसँग कुरा गर्दै विजयले शाहरुख खानलाई नयनतारा र विग्नेश शिवनको विवाहमा भेटेको बताए । विवाहमा नै उनले शाहरुखलाई आफूसँग खलनायकको रुपमा काम गर्न चाहेको बताएका थिए । नयनतारा–विग्नेशको विवाह ९ जुन २०२२ मा भएको थियो ।
यसअघि जुन २०२२ मा फिल्मको टाइटल अनाउन्समेन्ट भिडियो रिलिज भएको थियो । रिपोर्टका अनुसार यो वर्ष शाहरुख खानका तीन फिल्म रिलिज हुने भएका छन् । ‘पठान’ यसअघि नै रिलिज भइसकेको छ र फिल्मले बक्स अफिसमा विभिन्न रेकर्ड तोडेको छ । पठानले ग्लोबल बक्स अफिसमा १०५० करोडको व्यापार गरिसकेको छ ।
