काठमाडौँ । नेकपा एमालेका महासचिव शंकर पोखरेलले मुलुकलाई आर्थिक संकटबाट जोगाउन आयातमुखी नीति र भन्सारका दररेट बदल्न सरकारलाई सुझाव दिनुभएको छ ।
सरकार आगामी आर्थिक वर्षको नीति तथा कार्यक्रम र बजेटको तयारीमा जुटेको भन्दै उहाँले मुलुकलाई आर्थिक संकटवाट जोगाउने हो भने आयतमुखी नीति र भन्सारका दररेटलाई बदलेर उत्पादनशील क्षेत्रलाई प्रोत्साहित गर्नुपर्नेृ बताउनुभयो ।
‘आर्थिक संकटको समयमा केही व्यापारिक घरनाको सम्पत्ति अस्वभाविक रुपमा बढ्ने र आम जनता आर्थिक मन्दीको शिकार हुनुको कारण नीतिगत विचलनका माध्यमवाट दलाल नोकरशाही पूँजीवादको वर्चश्व कायम हुदै जानु हो’, उहाँले भन्नुभयो ।
उहाँले उत्पादनशील क्षेत्रको विकासवाट नै ठूलो संख्यामा रोजगारीका अवसर सिर्जना हुने र राष्ट्रिय अर्थतन्त्र बलियो बन्ने बताउनुभयो ।
