काठमाडौँ । प्रहरीले नक्कली नोटहरुबाट सामान किनबेच गरेको आरोपमा दुई जनालाई पक्राउ गरेको छ ।
नक्कली नोट कारोबार गर्ने जाजरकोट घर भइ हाल टोखा न.पा ७ बस्ने बर्ष ३१ कि सम्झना गहतराज, बाँके नेपालगन्ज घर भई हाल बागबजारस्थित युनिक होटलमा कोठा लिइ बस्ने बर्ष ३२ को सादाय हलुवाई पक्राउ परेका हुन् ।
गोप्य सुचनाको आधारमा प्रहरी वृत्त बौद्धबाट सादा पोशाकका प्रहरीले उनीहरुलाई प्रकाउ गरेको हो । सम्झना गहतराजले गोकर्णेश्वर न पा ६ स्थित नँया बस्तीमा रिचार्ज कार्ड किन्ने क्रममा नक्कली नोट फेला पारी सोधपुछका क्रममा उनीसहित हलुवा पनि समातिएका हुन्।
प्रहरीले उनीहरुको साथबाट ४९ थान १००० को तयारी नोट, प्रीन्ट गरेको तर काट्न बाँकि रहेको १२६ थान १००० को नोट, ५०० को तयारी २ थान नोट, रंगिन पेपर ५० थान, फोटोकपी पेपर को रिमलगायतका सामग्री बरामत गरेको प्रहरी वृत्त बौद्धले जनाएको छ ।
घटनाबारे थप अनुसन्धान भईरहेको प्रहरीले बताएको छ ।
