धनगढी । नेकपा (एकीकृत समाजवादी) अध्यक्ष माधवकुमार नेपालले माओवादी पूर्व अयोग्य लडाकुलाई पैसा दिनुभन्दा ऋण दिन ठीक हुने बताउनुभएको छ ।
धनगढीमा पत्रकारहरुको प्रश्नको जवाफमा पूर्वप्रधानमन्त्री नेपालले अयोग्य लडाकुलाई दुई लाख रुपैयाँ दिने भनी सरकारले गरेको निर्णयप्रति टिप्पणी गर्दै रोजगारी र ऋण उपलब्ध गराउँदा राम्रा हुने बताउनुभयो ।
मुलुक आर्थिक संकटले गुज्रिरहेको भन्दै उहाँले सरकारले अयोग्य लडाकुलाई पैसा दिनेगरी गरेको निर्णय कार्यान्वयन गर्न नहुने उल्लेख गर्नुभयो । यसबारे आफूले प्रधानमन्त्रीसँग कुरा गर्दा नयाँ नभएर पहिलेकै निर्णय कार्यान्वयन गरेको जवाफ आएको उहाँको भनाइ थियो ।
