काठमाडौँ । नक्कली शरणार्थी बनाएर नेपालीलाई अमेरिका लैजाने प्रकरणमा उपराष्ट्रपति कार्यालयका सचिव टेकनारायण पाण्डे पक्राउ पर्नुभएको छ । सो प्रकरणको अनुसन्धानका क्रममा काठमाडौँ प्रहरी परिसरबाट खटिएको टोलीले उहाँलाई पक्राउ गरेको हो ।
सचिव पाण्डेलाई अहिले टेकुस्थित प्रहरी परिसरमा राखिएको छ । उहाँविरुद्ध बुधबार पक्राउ पुर्जी जारी गरिएको थियो ।
उपराष्ट्रपति कार्यालयमा आउनुअघि गत वर्ष उहाँ गृह मन्त्रालयको सचिव हुनुहुन्थ्यो। गृह सचिव भएकै अवस्थामा उहाँ नक्कली शरणार्थी प्रकरण र गिरोहसँगको साँठगाठमा उनी मुछिनुभएको थियो ।
