काठमाडौँ । नेपाल टेलिकमबाट निष्काशित २१७ जना प्राविधिक कर्मचारीहरुको रोजगारीमा निरन्तरता हुनुपर्ने भन्दै टेलिकमको केन्द्रीय कार्यालयअगाडि धर्ना दिइएको छ ।
अखिल नेपाल संघ संस्था, संचार तथा छापाखाना श्रमीक संघ, नेपाल टेलिकम मूलइकाई समितिले गत मंसिर २ गते टेलिकमसमक्ष राखिएका माग पूरा गर्न धर्ना दिएको हो ।
श्रम ऐन २०७४, श्रम नियमावली २०७५ र योगदानमा आधारित सामाजिक सुरक्षा कोष ऐन २०७४ मा भएका सेवा, सर्त र सुविधाहरुको उचित कार्यान्वयन गर्न, स्वामित्व परिवर्तन हुँदा पनि मुख्य रोजगारदातासँगको श्रम सम्बन्ध यथावत रहनुपर्ने व्यवस्था कायम गर्न, ४० वर्षे उमेरहद र लैंगिक विभेद गरी श्रम गर्नबाट वञ्चित गराइएका श्रमिक कर्मचारीहरुलाई यथाशीघ्र पुनस्र्थापित गर्न र एक दिन कार्यालयमा अनुपस्थित हुँदा १।५ ९साढे एक दिन० बराबरको पारिश्रमिक कट्टा गर्ने व्यवस्था खारेज गर्न माग गरिएको थियो ।
