काठमाडौं । प्रधानमन्त्री थ्री नेसन्स कप फुटबल प्रतियोगिता अन्तर्गत भुटानविरुद्धको खेलमा नेपालले एक खेलाडी परिवर्तन गरेको छ ।
त्रिपुरेश्वरस्थित दशरथ रंगशालामा हुने खेलमा मुख्य प्रशिक्षक भिन्सेन्जो अल्बर्टो एनीसले फरवार्ड अन्जन विष्टलाई पनि सुरुआती–११ मा राखेका छन् । चोटको कारणले अन्जनले लाओसविरुद्धको खेल गुमाएका थिए । आजको खेलमा भरत खवासलाई बेन्चमा राखिएको छ ।
नेपाल आज भुटानलाई हराउँदै फाइनल पुग्न चाहन्छ । पहिलो खेलमा नेपालले लाओसलाई २-० ले हराएको थियो । नेपाललाई फाइनल पुग्न बराबरीले समेत पुग्नेछ ।
भुटान पनि नेपाललाई हराउँदै फाइनल पुग्न चाहन्छ । पहिलो खेल भुटानलाई लाओसले २-१ ले हराएको थियो ।
नेपालले भुटानविरुद्ध हलसम १२ पटक खेलिसकेको छ । नेपालले भुटानविरुद्ध हालसम्म खेलेको १२ खेलमा १२ जित हासिल गरेको छ ।
सिंगल राउण्ड रोबिनको आधारमा हुने प्रतियोगिता शीर्ष दुई टोलीले उपाधिका लागि चैत १७ गते खेल्ने छन् ।
भुटानसँग खेल्ने नेपाली टोली :
गोलकिपर – किरण चेम्जोङ
डिफेन्डर – अनन्त तामाङ, विकास खवास, सनिश श्रेष्ठ, रोहित चन्द
मिडफिल्डर – नविन लामा, पुजन उपरकोटी, एरिक विष्ट,
फरवार्ड -अन्जन विष्ट, आयुष घलान, नवयुग श्रेष्ठ
