काठमाडौं । नेकपा एमालेको तर्फबाट राष्ट्रपतिमा उम्मेदवारी दिएका सुवास नेम्वाङले निर्वाचन खर्च विवरण बुझाएका छन् ।
शुक्रबार निर्वाचन आयोगसमक्ष नेम्वाङले निर्वाचनका क्रममा १६ हजार ५०० रुपैयाँ खर्च भएको विवरण बुझाएका हुन् ।
नेम्वाङले बुझाएको खर्च विवरणमा मतदाताहरुलाई एसएमएस गर्दा १० हजार र मसलन्दमा ६ हजार ५०० रुपैयाँ खर्च भएको उल्लेख गरिएको छ । नेम्वाङका निर्वाचन प्रतिनिधि महेशकुमार बर्तौलाले निर्वाचन अधिकृत महेश शर्मालाई खर्च विवरण बुझाएका हुन् ।
