काठमाडौँ । क्रिकेटर शरद भेषावकर र अभिनेत्री निशा अधिकारीको वैवााहिक सम्बन्धमा खटपट सुरु भएको छ ।
निशाले काठमाडौं जिल्ला अदालतमा शरदविरुद्ध अंश मुद्दा दायर गरेकी हुन् ।
निशाले नाबालक छोरासमेतलाई अंश भाग लगाउन माग गर्दै निशाले मुद्दा दायर गरेकी छन् । यद्यपि, निशाले अंश भागबण्डा लगाउन मुद्धा हाले पनि सम्बन्धविच्छेदको मुद्धा भने होलेकी छैनन् ।
यो जोडी २०७४ सालमा विवाह बन्धनमा बाँधिएका थिए । २०७५ सालमा निशाले अमेरिकामा छोरालाई जन्म दिएकी थिइन् । अहिले दुवै नेपालमै आआफ्नो क्षेत्रमा सक्रिय रुपमा लागिपरेका छन् ।
सम्बन्धविच्छेद नगरिकन पनि श्रीमतीले अंश माग गर्न सक्ने कानूनी प्रावधानबमोजिम निशाले अंशको मुद्धा हालेको बुझिएको छ ।
