काठमाडौं । श्री एयरलाइन्समा यात्रा गर्ने कोरोनाविरुद्धको दुवै डोज खोप लगाएका यात्रुले १० प्रतिशत छुट पाउने भएका छन् ।
उडानलाई थप सुरक्षित बनाउन र सरकारको राष्ट्रिय खोप कार्यक्रमलाई प्रोत्साहित गर्न यस्तो योजना ल्याइएको एयरलाइन्सले जनाइएको छ।
यो छुट योजनामा सहभागी हुने यात्रुले कोरोना खोप लगाइसकेपछि सरकारले प्रदान गरेको कार्ड भने अनिवार्य रुपमा पेस गर्नुपर्नेछ ।
श्री एयरलाइन्सको जुननुकै काउन्टरबाट टिकट काटे पनि यो छुट पाउन सकिनेछ। श्रीले अहिले नेपालगञ्ज, पोखरा, भैरहवा, विराटनगर, धनगढी, सिमरा र भद्रपुरमा उडान गर्दै आएको छ ।