एजेन्सी । युक्रेनका राष्ट्रपति भोलोडिमिर जेलेन्स्कीले भ्लादिमिर पुटिनलाई उनका नजिकका व्यक्तिहरूले नै एकदिन हत्या गरिदिने बताएका छन् ।
जेलेन्स्कीको यो बयान रुस–युक्रेन युद्धमा बनेको डकुमेन्ट्रीमा छ । यसको नाम ‘इयर’ रहेको छ । यस डकुमेन्ट्रीको बारेमा न्यूजवीक पत्रिकामा जानकारी दिइएको छ ।
रुस र युक्रेनबीच गत वर्ष फेब्रुअरी २४ मा युद्ध सुरु भएको थियो । यसै दिन रुसले युक्रेनमा आक्रमण गरेको थियो । दुवै देशले आ–आफ्नो जितको दाबी गरिरहेका छन् । जेलेन्स्कीलाई सहयोगको आश्वासन दिन हालै अमेरिकी राष्ट्रपति जो बाइडेन आफैं कीभ पुगेका थिए ।
‘न्यूजवीक’ म्यागजिनका अनुसार जेलेन्स्कीले यस वृत्तचित्रमा भनेका छन् – ‘त्यो दिन टाढा छैन जब पुटिनका नजिकका व्यक्तिहरूले उनको विरुद्धमा काम गर्न थाल्नेछन् । रूसमा उनको विरुद्ध आवाज उठ्नेछ । यो एकमात्र मौका हुनेछ जब पुटिनको नजिकको व्यक्तिले उनलाई मार्नेछन् । तिनीहरूले मेरो शब्द याद गर्नुपर्छ । तर, यो दिन कहिले आउने हो ? यसबारे म केही भन्न सक्दिनँ ।’
जेलेन्स्कीको यो भनाइ यस्तो बेला आएको हो जब केही सञ्चारमाध्यममा पुटिनका नजिकका केही युक्रेन र बाँकी देशको नीतिप्रति खुसी नभएको दाबी गरिएको छ । युक्रेन युद्ध लम्बिदै गएपछि उनीहरुको असन्तुष्टि बढ्दै गएको छ ।
