काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले दिवंगत नेपाली कांग्रेसका वरिष्ठ नेता एवं पूर्व उपप्रधानमन्त्री गोपालमान श्रेष्ठप्रति श्रद्धाञ्जली अर्पण गरेका छन्।
बुधबार नेपाली कांग्रेसको केन्द्रीय कार्यालय सानेपामा पुगेर सभापति लामिछानेले श्रेष्ठको पार्थिव शरीरमा श्रद्धाञ्जली अर्पण गर्दै शोकसन्तप्त परिवारजन तथा नेपाली कांग्रेसप्रति समवेदना व्यक्त गरेका हुन्।
वरिष्ठ नेता श्रेष्ठको निधनप्रति विभिन्न राजनीतिक दलका नेताहरूले दुःख व्यक्त गर्दै श्रद्धाञ्जली अर्पण गर्ने क्रम जारी रहेको छ।
