काठमाडौं । गोंगबुको नयाँ बसपार्कस्थित ल्होत्से मलबाट लुटिएको मोबाइलसहित प्रहरीले ४ जनालाई पक्राउ गरेको छ ।
यातायात मजदुरको प्रदर्शनको क्रममा नयाँ बसपार्कस्थित ल्होत्से मलमा एउटै व्यक्तिको नाममा रहेका दुइटा पसलभित्र छिरेर मोबाइल लुटेका एक हुलमध्ये प्रहरीले ४ जनालाई पक्राउ गरेको हो ।
ल्होत्से मलमा मोबाइल पसल सन्चालन गरेका व्यवसायी अर्जुन चालिसेले लुटपाट र तोडफोडबाट ८ देखि १० करोड रुपैयाँ बराबरको क्षति भएको दावि गरेका छन् ।
सामाजिक सन्जालमा सार्वजनिक भएको सीसीटीभी फुटेजमा ल्होत्से मलमा रहेको मोबाइल पसलको सटर खोलेर एक हुल प्रवेश गरी तोडफोड र लुटपाट गरेको दृष्य देखिन्छ ।
प्रदर्शनकारीले माछापोखरी क्षेत्रमा रोकिराखेका प्रहरीका दुईवटा गाडीमा समेत आगजनी गरेका थिए । प्रहरीले घटनाबारे अनुसन्धान भईरहेको बताएको छ ।
