काठमाडौं । आइसिसी विश्वकप लिग–२ त्रिकोणात्मक ओडिआई सिरिज अन्तर्गत नामिबियाविरुद्धको खेलमा नेपालले पहिलो विकेट लिएको छ । तीव्र गतिका बलर सोमपाल कामीले तेस्रो ओभरको पाँचौं बलमा ओपनर लो ह्यान्डरे लरेन्सलाई ५ रनमा बोल्ड आउट गरे।
टियु क्रिकेट मैदानमा टस हारेर पहिला ब्याटिङ थालेको नामिबियाले पाँच ओभरमा एक विकेट गुमाउँदै १० रन बनाएको छ ।
आजको खेलमा नेपालले भीम सार्की, सूर्य तामाङ र गुलशन झालाई बेन्चमा राखेको छ । सन्दीप जोराले भो २०१९ पछि पहिलो पटक नेपाली टोलीमा खेल्दैछन् ।
ओडिआईमा नामिबियाविरुद्धको खेलमा नेपालले चार खेल खेल्दा तीन हार बेहोरेको छ भने एक खेलमा वर्षाको कारण रद्ध भएके थियो । नेपालले पहिलो पटक नामिबियालाई हराउन चाहन्छ ।
नेपाल २४ खेलमा ८ जित र १४ हारसहित १८ अंकका साथ छैटौं स्थानमा छ । नेपालले अव बाँकी १२ खेल खेल्नेछ । जसमा चार खेल युएईमा गएर खेल्नेछ । ८ खेल घरेलु मैदानमा हुनेछन् । शीर्ष पाँचमा पर्दै ओडिआई मान्यता जोगाउन नेपालले कम्तिमा ९ खेल जित्नुपर्ने हुन्छ ।
नेपालको प्लेइङ ११:
आसिफ शेख (विकेटकिपर), कुशल भुर्तेल, ज्ञानेन्द्र मल्ल, रोहित पौडेल (कप्तान), दीपेन्द्रसिंह ऐरी, कुशल मल्ल, सन्दीप जोरा, सोमपाल कामी, करण केसी, सन्दीप लामिछाने र ललितनारायण राजवंशी ।
