काठमाडौँ । लोक दोहोरी गायक भिम पौडेलको निधन भएको छ । स्याङ्जा खुदी घर भएका पौडेलको विहिबार राति ११ः २० बजे निधन भएको परिवारका सदस्यले बताएका छन् ।
लोक तथा दोहोरी गीत प्रतिष्ठान नेपालका अध्यक्ष रमेश बिजीका अनुसार पौडेल केही समयदेखि बिरामी थिए ।लामो समयदेखि लोकदोहोरी गायनमा सक्रिय रहेका पौडेल लाइभ दोहोरीमा निकै चर्चित थिए ।
पौडेलको शव पोखरा लगिने तयारी गरिएको छ । उनको पोखरास्थित रामघाटमा अन्तेष्टि गरिने ईन्देणीका संचालक तथा दोहोरी गायक कृष्ण कँडेलले बताए ।
