एजेन्सी । इंग्लिस प्रिमियर लिग फुटबल अन्तर्गत आज आइतबार तीन खेलहरु हुँदैछन् ।
आज राति नै यो सिजन अपत्यारिलो नतिजासहित शीर्षस्थानमा कायम रहँदै आएको आर्सनलले पछिल्लो समय लय समातेको म्यान्चेस्टर युनाइटेडलाई घरेलु मैदान इमिरेट्समा निम्तो दिँदैछ । खेल नेपाली समयानुसार राति १०ः१५ बजे सुरु हुनेछ ।
आर्सनलले पछिल्ला पाँच खेलमा चार जित र एक बराबरी खेलेको छ । यस्तै, युनाइटेडले पनि समान खेलमा चार जित र एक बराबरी नै खेलेको छ । १८ खेल खेलेको आर्सनलले एकमात्र पराजय भोगेको छ । शीर्षस्थानको आर्सनलको ४७ अंक छ । एक खेल बढी खेलेको युनाइटेड ३९ अंकसहित चौंथो स्थानमा रहेको छ ।
संयोगवस आर्सनल युनाइटेसँग नै सेप्टेम्बर ४ मा युनाइटेडको घरेलु मैदान वल्र्ड ट्राफोर्डमा ३–१ गोलले पराजित भएको थियो । तसर्थ आर्सनललाई आज उक्त खेलको बदला लिने अवसर पनि रहेको छ ।
यस्तै, आज ७ः४५ बजे म्यान्चेस्टर सिटीले वल्भ्ससँग र लिड्स युनाइटेडले ब्रेन्टफोर्डसँग खेल्दैछ ।
