काठमाडौं । नेपाल–चीन संयुक्त कम्पनी हिमालय एअरलाइन्सले जनवरी १७, २०२३ मा बेइजिङका लागि उडान पुनः सुचारु गरेको छ ।
यस अघि सन् २०२० मा कोभिड–१९ को महामारीका बीच काठमाडौं–बेइजिङ उडान स्थगित गरिएको थियो जुन अहिले यात्रा स्थगित भएको उडान जनवरी ८, २०२३ मा चीनद्वारा प्रतिबन्ध हटाइए पछि पुनः सुरु भएको छ । हिमालय एयरलाइन्सले फेब्रुअरीबाट साप्ताहिक सेवा सुरु गरी बेइजिङ ड्याक्सिङ अन्तर्राष्ट्रिय विमानस्थलसँग पुनः जोडिने योजना बनाएको छ ।
एअरलाइन्स्को पहिलो उडान, एच नाइन ६६५ त्रिभुवन अन्तर्राष्ट्रिय विमानस्थलबाट स्थानिय समय अनुसार बिहानको १० बजेर ४१ मिनेटमा प्रस्थान गरेको थियो र बेइजिङ ड्सक्सिङ अन्तर्राष्ट्रिय विमानस्थलमा बेलुका ५ बजेर ४ मिनेटमा अवतरण गरेको थियो। उडानको अवधि ३ घण्टा ४८ मिनेटको रहेको थियो र बेइजिङबाट फर्कने उडान एच नाइन ६६६, स्थानिय समय अनुसार बेलुकाको छ बजेर ५ मिनेट मा प्रस्थान गर्ने तालिका थियो जुन राती ९ बजेर ५६ मिनेटमा काठमाडौंमा अवतरण गराइएको थियो।
“चिनियाँ नयाँ वर्षको बिदाको सिजन नजिकिँदै गर्दा, चीन र नेपालका राजधानीहरू बीच सिधा उडानहरू पुनः सुचारु गर्न हाम्रा लागि उत्तेजक छ । यस सन्दर्भमा हामी चीनबाट नेपाल आउने यात्रुहरूलाई अझ बढी सेवा प्रदान गर्ने र त्यसको साथै पर्यटन र व्यापारमा टेवा पुर्याउने कुरामा आशावादी छौं । हामी यो कनेक्टिभिटी पुनः स्थापना गर्न पाउँदा धेरै खुसी छौं र बढ्दो फ्रिक्वेन्सीको साथ हाम्रा यात्रुहरूलाई सेवाअ प्रदान गर्न तत्पर छौं ।” प्रशासनका उपाध्यक्ष विजय श्रेष्ठले बताउनुभयो ।
राउन्ड ट्रिपका लागि करिब २ घण्टा उडान समय घटेको कारण हिमालय एअरलाइन्स् ट्रान्स हिमालयन रुटबाट ल्हासा हुँदै नेपाललाई उत्तरी चीनसँग सीधा जोड्ने नेपालमा स्थित पहिलो वायुसेवा कम्पनी समेत हो ।
