काठमाडौं । सरकार र लघुवित्त पीडितबीचको दोस्रो दिनको वार्ता अर्थ मन्त्रालयमा सुरु भएको छ।
लघुवित्त पीडितहरूले उठाएका मागहरूको समाधान खोज्ने उद्देश्यले सरकार र पीडित पक्षबीच जारी संवादको दोस्रो चरण शुक्रबार अर्थ मन्त्रालयमा सुरु भएको हो।
वार्तामा अर्थ मन्त्रालयका अधिकारी, सम्बन्धित सरकारी निकायका प्रतिनिधि तथा लघुवित्त पीडित संघर्ष समितिका प्रतिनिधिहरू सहभागी छन्।
बैठकमा लघुवित्त ऋण, चर्को ब्याज, ऋणीमाथिको व्यवहार तथा पीडितहरूले अघि सारेका विभिन्न मागबारे छलफल भइरहेको जनाइएको छ।
