काठमाडौँ । मन्त्रिपरिषद् विस्तारमा राष्ट्रिय स्वतन्त्र पार्टी (रास्वपा) ले तीनवटा मन्त्रालय पाउने भएको छ । रास्वपाबाट पार्टी अध्यक्ष रवि लामिछाने उपप्रधानमन्त्री एवं गृहमन्त्री बनिसक्नुभएको छ । अब रास्वपाको भागमा दुई मन्त्रालय परेको बताइएको छ ।
बालकोटमा प्रधानमन्त्री पुष्पकमल दाहाल र नेकपा (एमाले) अध्यक्ष केपी शर्मा ओलीबीच मन्त्रालय भागबन्डा करिब टुंगिएको बताइएको छ । प्रधानमन्त्री प्रचण्डले ओलीसँगको भेटपछि आजै मन्त्रिपरिषद्ले पूर्णता पाउने बताउनुभएको थियो ।
सहमति अनुसार ८ सांसद बराबर एक मन्त्री हुनेछन् । रास्वपाले स्वास्थ्य तथा जनसंख्या मन्त्रालय पाउने पक्का भएको समाचार छ । युवा तथा खेलकुद मन्त्रालय रास्वपाले पाउने कुरा भए पनि नेकपा (माओवादी केन्द्र) ले पनि सो मन्त्रालयमा दाबी गरिरहेको छ ।
सुरुमा रास्वपाले गृह, शिक्षा, स्वास्थ्य र पर्यटन मन्त्रालय पाउनुपर्ने अडान राखेको थियो । शीर्ष नेताहरु तीन मन्त्री र एक राज्यमन्त्री निद सहमत भएका थिए । तर सरकारमा सहभागी हुने दलहरु बढेपछि रास्वपाको एक राज्यमन्त्री घटेको छ ।
