• १० असार २०८१, सोमबार
  •      Mon Jun 24 2024
  •   Unicode
Logo
Latest
★   ऊर्जामन्त्री बस्नेत समक्ष विद्युत् नियमन आयोगका अध्यक्षको शपथ ★   निर्मला पन्तको हत्याबारे गृहमन्त्री: नतिजाउन्मुख छौँ ★   प्रधानमन्त्रीसँग चिनियाँ उपविदेशमन्त्रीको शिष्टाचार भेट ★   काठमाडौँ महानगरपालिकाको बजेट २५ अर्ब ७० करोड ★   अपाङ्गताले छेकेन पार्वतीको उद्यमी बन्ने रहर ★   अयोध्यामा राम मन्दिर बनाउन नेपालबाट लगिएको शालिग्राम नेपालले फिर्ता पाउनुपर्छ: वामदेव गौतम ★   भारत र अष्ट्रेलियाको खेलअघि सेन्ट लुसियामा भीषण वर्षा ★   नेपालको अलैंचीलाई विश्व बजारमा निर्यात गर्न कुटनीतिक पहल गर्नुपर्छ: सभामुख घिमिरे ★   नेपाली अलैंची विश्व बजारमा निर्यात गर्न सरकारले पहल गरिरहेको छ: कृषिमन्त्री साह ★   ‘मुन्ज्या’ले १०० करोड कमायो

धनगढी तनावग्रस्त, डेढ दर्जन सेल अश्रुग्याँस प्रहार



काठमाडौँ। धनगढी अहिले तनावग्रस्त बनेको छ । विद्यार्थीहरु निषेधाज्ञा तोडेर प्रदर्शनमा उत्रिएपछि परिस्थिति नियन्त्रणमा लिन प्रहरीले अश्रुग्यास प्रहार गरेपछि स्थिति तनावग्रस्त बनेको हो । जिल्ला प्रशासन कार्यलय कैलालीले निषेधाज्ञा जारी गरेको थियो ।

निषेधाज्ञा लागू गरिएको घटनास्थल आसपासमा प्रहरीले डेढ दर्जनजति अश्रुग्यास प्रहार गरेपछि विद्यार्थीहरु तितरबितर भएका थिए । प्रहरीले विद्यार्थी र महिला गरी ११ जनालाई नियन्त्रणमा लिइएको जनाएको छ ।

ग्रेडरको ठक्करबाट १५ वर्षीय चेतना साउदको मृत्यु भएपछि विद्यार्थीले प्रदर्शन गरेका थिए । स्थितिलाई नियन्त्रणमा लिन प्रशासनले निषेधाज्ञा जारी गरेको हो । विद्यार्थीहरुले न्याय र दोषीमाथि कडा कारवाहीको माग गर्दै बिहीबार बिहानैदेखि हिंसात्मक प्रदर्शन गरेका थिए ।

उनीहरुले पीडित परिवारलाई उचित क्षतिपूर्ति दिनुपर्ने माग गरेका छन् । बिहीबार बिहान धनगढी उपमहानगरपालिका–५ स्थित पिपलचौतारा नजिकै कालिका कन्स्ट्रक्सनको ना १ क ९७५ नम्बरको ग्रेडरले ठक्कर दिँदा साइकलमा विद्यालय गइरहेकी १५ वर्षीया साउदको घटनास्थलमै मृत्यु भएको थियो ।

पञ्चोदय माध्यमिक विद्यालयमा अध्ययनरत साउदको मृत्यु भएपछि सो विद्यालयका विद्यार्थीहरुले बिहीबार दिनभर धनगढीमा प्रदर्शन गरेका थिए र उनीहरुले घटनास्थलबाट शवलाई उठाउन दिएका थिएनन् ।

प्रशासनले बिहीबार साँझदेखि नै निषेधाज्ञा जारी गरेको थियो । निषेधाज्ञापछि प्रहरीले शव उठाएर लगेको थियो । त्यसक्रममा विद्यार्थीहरुले नाराबाजी गर्दै प्रदर्शन गरेका थिए ।