एजेन्सी । सन् १९७० र ८० को दशकका तेलुगु सिनेमाका सुपरस्टार शिव रामा कृष्णा घट्टमानेनीको आज बिहान निधन भएको छ ।
उनी तेलुगु स्टार महेश बाबुका पितासमेत हुन् । तेलुगु सिनेमामा उनलाई सुपरस्टार कृष्णाको नामले चिनिन्छ । करिब ३५० फिल्ममा अभिनय गरेका कृष्णा यसै वर्षको सेप्टेम्बरमा श्रीमती इन्दिराको निधनपछि डिप्रेसनमा थिए ।
हृदयघातका कारण आज बिहान ४ बजे उनको निधन भएको हो । उनलाई सास फेर्न गाह्रो भएको थियो, जसका कारण उनलाई १४ नोभेम्बरमा हैदराबादको कन्टिनेन्टल अस्पतालमा भर्ना समेत गरिएको थियो । उनको निधनले सिंगो सिनेमा शोकमग्न भएको छ ।
महेश बाबुका पिता कृष्णाले ३५० फिल्ममा अभिनय गरेका थिए । उनी आफ्नो समयका शीर्ष कलाकार मध्येका एक थिए । उनी अभिनेता, निर्माता, निर्देशकका अलावा राजनीतिज्ञ पनि थिए ।
यससँगै उनलाई सन् २००९ मा पद्मभूषणबाट पनि सम्मानित गरिएको थियो । मिडिया रिपोर्टका अनुसार कृष्ण आफ्नी श्रीमतीको मृत्युपछि डिप्रेसनसँग लडिरहेका थिए ।
कृष्णाको बारेमा कुरा गर्दै अस्पतालका चिकित्सकले भने, ‘उहाँलाई मंसिर १५ गते बिहान १ बजे आकस्मिक विभागमा ल्याइएको थियो र त्यसपछि हृदयघातका कारण उहाँको मृत्यु भएको हो । उहाँको अवस्था चिन्ताजनक रहेको र भेन्टिलेटरमा राखेर उपचार भइरहेको थियो ।’
महेश बाबुका बुबा कृष्णा एक प्रसिद्ध तेलुगु अभिनेता थिए । उनका ३ छोरी, महेश बाबु र जेठा छोरा रमेश बाबु थिए । रमेश बाबुको पनि लामो समयदेखि कलेजोको रोगले यस वर्ष जनवरीमा निधन भएको थियो ।
