एजेन्सी । आइसीसी टी–२० पुरुष विश्वकपको फाइनल प्रवेशका लागि पाकिस्तान र न्युजिल्यान्डले प्रतिस्पर्धा गर्दैछन् ।
अष्ट्रेलियाको सिड्नी क्रिकेट ग्राउन्डमा जारी खेलमा न्युजिल्यान्डले पाकिस्तानलाई १५३ रनको लक्ष्य दिएको छ । टस जितेर ब्याटिङ थालेको न्युजिल्यान्डले २० ओभरमा ४ विकेटको क्षतिमा १५२ रन जोड्यो ।
न्युजिल्यान्डका लागि डार्यल मिचेलले अविजित ५३ रनको अर्धशतकीय इनिङ्स खेले । यस्तै, कप्तान केन विलियम्सनले ४२ बलमा ४६ रन जोड्दा डेभन कोनवेले २० बलमा २१ रन जोडे । यस्तै, जेम्स निसम १२ बलमा १६ रनसहित अविजित रहे ।
पाकिस्तानका शाहिन अफ्रिदीले दुई तथा मोहम्मद नवाजले एक विकेट लिए । यस खेलको विजेता टोली उपाधिका लागि फाइनलमा प्रवेश गर्नेछ ।
