काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले मधेस प्रदेशको वर्तमान राजनीतिक तथा सामाजिक परिस्थितिबारे कोशी र मधेस प्रदेशका सांसदहरूसँग छलफल गर्नुभएको छ।
रास्वपाका अनुसार सिंहदरबारस्थित संसदीय दलको कार्यालयमा आयोजित छलफलमा मधेस प्रदेशको पछिल्लो अवस्था, शान्ति–सुरक्षा, जनसरोकारका विषय, विकास–निर्माणका चुनौती तथा संसद्मा प्रभावकारी रूपमा उठाउनुपर्ने मुद्दाबारे विचार–विमर्श भएको हो।
छलफल प्रदेशगत रूपमा सञ्चालन गरिएको र उपलब्ध सांसदहरूको सहभागिता रहेको जनाइएको छ।
