काठमाडौं । निर्वाचन आयोगले आइतबार साँझसम्म करिव तीन हजार ६०० उम्मेदवारको मनोनयन दर्ता भएको जनाएको छ ।
प्रतिनिधिसभामा १ हजार ६०० र सातवटै प्रदेशमा २ हजार गरी तीन हजार ६०० जनाको उम्मेदवारी आयोगको प्रणालीमा इन्ट्री भएको छ ।
आयोगका एक पदाधिकारकीका अनुसार, अहिलेसम्म त्यति इन्ट्री भएको छ । कतिपयको इन्ट्री हुने क्रममा छ भने कतिपय बल्ल निर्वाचन अधिकृतको कार्यालयमा प्रवेश गरेका छन् ।
आयोगले साँझ ५ बजेसम्म निर्वाचन अधिकृतको कार्यालयमा प्रवेश गरेका उम्मेदवार र उनका प्रतिनिधिहरुलाई मनोनयन दर्ता गर्न दिने जनाएको छ ।
