काठमाडौँ । पूर्व प्रहरी महानिरीक्षक सर्वेन्द्र खनाल नेकपा एमालेमा प्रवेश गरेका छन् ।
नेपाल प्रहरीको ३० वर्षे सेवाबाट अवकाशपछि स्वतन्त्र नागरिकका रूपमा रहेका खनाललाई एमाले पार्टी मुख्यालय च्यासलमा अध्यक्ष केपी शर्मा ओली, महासचिव शंकर पोखरेललगायतका नेताहरले स्वागत गरे ।
पार्टी प्रवेश गर्दै उनले आफू इन्स्पेक्टर हुँदा अध्यक्ष ओली तत्कालीन समयमा गृहमन्त्रीको भूमिकामा रहेको र त्यसबेलादेखि नै आफू ओलीबाट प्रभावित भएको बताए ।
खनालले ओलीलाई बुधबार बालकोटमा भेटेका थिए । ओली प्रधानमन्त्री हुँदा खनाल आइजीपी थिए ।
उनीसँगै राष्ट्रिय पुनर्जागरण पार्टीका महासचिव रविकिरण खनाल, विवेकशील साझा पार्टीका संस्थापक अब्दुस मिया, जसपाका नेता होरिलाल चौधरीलगायत पनि एमालेमा प्रवेश गरेका छन् ।
