काठमाडौं । नेपाली राष्ट्रिय फुटबल टोलीका प्रशिक्षक अब्दुल्लाह अल्मुताईरीले पनि रक्षा बन्धनको अवसरमा डोरा बाँधेका छन् । सामाजिक सञ्जाल फेसबुकमा 'म अब सुरक्षित छु, रक्षाबन्धनको शुभकामना' भन्दै आफ्नो हातमा डोरा बाँधेको तस्बिर प्रशिक्षक अल्मुताईरीले सार्वनिक गरेका छन् ।
उनले सो तस्बिर सार्वजनिक गरे लगत्तै उनलाई पनि कमेन्ट सेक्सनमा उनका धेरै शुभचिन्तकहरुले रक्षाबन्धनको शुभकामना व्यक्त गरेका छन् । प्रशिक्षक अब्दुल्लाह अल्मुताईरीले पछिल्लो समय नेपाली राष्ट्रिय फुटबल टोलीलाई प्रशिक्षण दिँदै आएका छन् ।
उनले नेपाली नेपाली राष्ट्रिय फुटबल टोलीको प्रशिक्षकको भार सम्हालेदेखि नेपाली राष्ट्रिय फुटबल टोलीको खेलमा निकै सुधार आएको देखिएको छ । उनको प्रशिक्षणलाई सबै नेपालीहरुले प्रशंसा पनि गर्दै आएका छन् । प्रशिक्षक अल्मुताईरीकै प्रशिक्षणमा नेपाली टोलीले विश्व कप छनोटको खेल पनि खेलेको थियो ।
