पर्वत । अर्थमन्त्री जनार्दन शर्माले राष्ट्रिय सहमतिबिना अमेरिकी सहायता परियोजना एमसीसी पारित नहुने बताएका छन् । पर्वत उद्योग वाणिज्य सङ्घको ४६औँ स्थापना दिवस तथा ३९औँ साधारणसभामा उनले राष्ट्रिय मुद्दा बनिसकेको एमसीसी समाधान भएर सजिलै पारित नहुने बताए ।
एमसीसीले समाज र पार्टीहरुलाई विभाजनमा ल्याएको भन्दै उनले कसैले पनि ‘मेरो गोरुको बाह्रै टक्का’ नभनी राष्ट्रिय सहमतिका आधारमा समाधान गर्नुपर्ने बताए । प्रतिनिधिसभाको आजको बैठकको कार्यसूचीमा मन्त्री शर्माले एमसीसीमाथि छलफल गर्न प्रस्ताव गर्ने कार्यक्रम थियो ।
उनी एमसीसीमाथि छलफल प्रस्ताव गर्नुपर्छ भन्ने डरले हिजै बुधबार पर्वत गएका थिए । यद्यपि आजको प्रतिनिधिसभाको बैठक स्थगित भएको छ ।
