काठमाडौं । गृहमन्त्री बालकृष्ण खाणले सत्ता साझेदार नेकपा (माओवादी केन्द्र)का नेता एवं पूर्वउपप्रधानमन्त्री नारायणकाजी श्रेष्ठसँग भेटवार्ता गरेका छन् ।
गृहमन्त्री खाण श्रेष्ठलाई भेट्न बुधबार बिहान ललितपुरको हात्तीवनस्थित श्रेष्ठ निवास पुगेका थिए । भेटवार्तामा राष्ट्रिय राजनीति र समसामयिक विषयमा कुराकानी भएको बताइएको छ ।
‘राष्ट्रिय राजनीति र समसामयिक राजनीतिबारे नेकपा माओवादी केन्द्रका नेता नारायणकाजी श्रेष्ठसँग कुराकानी भयो’, गृहमन्त्री खाणले भने ।
राष्ट्रियसभामा नेपाल नागरिकता ऐन, २०६३ लाई संशोधन गर्न बनेको विधेयक आजै निर्णयार्थ प्रस्तुत हुँदैछ ।
राष्ट्रियसभाका सदस्य श्रेष्ठले उक्त विधेयकको विरोध गर्दै आएका छन् । सोही सन्दर्भमा उनीसँग गृहमन्त्री खाणले भेट गरेका हुन् ।
