काठमाडौं ।बजेटमा करको दर हेरफेर गरेको विषयमा छानबिन गर्न गठित संसदीय विशेष समितिले सीसीटीभी फुटेजसहितको विवरणबारे फरेन्सिक विज्ञहरुसँग छलफल गर्ने भएको छ ।
संसदीय छानबिन विशेष समितिको आज बसेको बैठकले फरेन्सिक विज्ञहरुसँग छलफल गर्ने निर्णय गरेको हो । यस अघि छानबिन समितिलाई मन्त्रालयले फुटेज डिलिट भएको जवाफ दिएपछि छानबिन समितिले रिकभरका लागि प्रहरी विधि विज्ञान प्रयोगशालामा पठाएको थियो ।
प्रहरीको विधि विज्ञान प्रयोगशालामा ले पठाएको रिपोर्ट समेत समितिले अध्यायन गरिएको छ । बजेट बनाउने क्रममा बाहिरी व्यक्तिलाई मध्यरातमा मन्त्रालयमा बोलाएर करका दर हेरफेर गरेको आरोप छ । आरोप लागेसँगै जनार्दन शर्माn] अर्थमन्त्रीबाट राजीनामा दिएका थिए ।
समितिले अर्थ मन्त्रालयको सिसिटिभी फुटेजको अनुसन्धान र निवर्तमान अर्थमन्त्री जनार्दन शर्मासँग सोधपुछ गरिसकेको छ ।
अनधिकृत व्यक्तिलाई अर्थमन्त्रालय प्रवेश गराएर बजेटमा करको दर हेरफेर गरेको विषयमा छानबिन गर्न गठित संसदीय विशेष समितिले जेठ १४ रातिको सीसीटीभी फुटेज भेटेको थिएन ।
निष्कर्ष ननिस्केपछि सिंहदरबार गेटकै फुटेज मगाएर समितिले अनुसन्धान गर्न लागेको हो ।
मन्त्रालयले फुटेज डिलिट भएको जवाफ दिएपछि छानबिन समितिले रिकभरका लागि प्रहरी विधि विज्ञान प्रयोगशालामा पठाएको थियो ।
