काठमाडौँ । नेकपा ९माओवादी केन्द्र० का अध्यक्ष पुष्पकमल दाहाल प्रचण्डसँग आज बिहान गृहमन्त्री बालकृष्ण खाण र कानूनमन्त्री गोविन्दप्रसाद शर्मा (कोइराला) ले भेटवार्ता गर्नुभएको छ ।
भारतको तीनदिने भ्रमण पूरा गरी आइतबार स्वदेश फर्कनुभएका माओवादी अध्यक्ष प्रचण्डसँग उहाँकै निवास खुमलटारमा दुई मन्त्रीले भेट गर्नुभएको हो । भेटमा दुवै मन्त्रीले अध्यक्ष प्रचण्डसँग नागरिकता विधेयक, सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोगका विषयमा छलफल भएको बताइएको छ ।
छलफलमा माओवादी नेताहरु देव गुरुङ, वर्षमान पुन र शक्ति बस्नेतको पनि सहभागिता थियो ।
गृहमन्त्री खाणको सचिवालयका अनुसार मन्त्री खाँणले सरकारले संसद्मा प्रस्तुत गरेको नेपाली नागरिकता ऐन, २०६३ लाई संशोधन गर्न बनेको विधेयकलगायत अन्य विधेयकहरुबारे कुराकानी भएको थियो । ती विधेयक तथा सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोगका विषयमा संसद्मा सत्ता साझेदार दलहरुबीच एउटै धारणा बनाएर अगाडि बढ्नेबारे कुराकानी भएको थियो ।
