काठमाडौंं । आज (बुधबार) नेपाली सुनचाँदी बजारमा सुनको मूल्य घटेको छ । निरन्तर सुनको मूल्य घटेको आज तेश्रो दिन हो ।
नेपाल सुनचाँदी व्यवसायी महासंघका अनुसार आज छापवाला सुनको मूल्य प्रतितोला २०० रुपैयाँले घटेर ९४ हजार ३०० मा कारोबार भईरहेको छ । त्यसैगरी , तेजाबी सुन प्रतितोला ९३ हजार ८०० रुपैयाँमा कारोबार भईरहेको छ ।
त्यस्तै, आज (बुधबार) चाँदीको मूल्यमा पनि सामान्य गिरावट भएको छ । आज चाँदी तोलामा पाँच रुपैयाँले घटेर प्रतितोला एक हजार १७० रुपैयाँमा कारोबार भईरहेको महासंघले जनाएको छ ।
हिजो (मंगलबार) सुन प्रतितोला ९४ हजार ५०० रुपैयाँमा कारोबार भएको थियो भने चाँदी प्रतितोला एक हजार १७५ रुपैयाँमा किनबेच भएको थियो ।
