काठमाडौँ । सोमबारदेखि नेपाली कांग्रेसको केन्द्रीय समितिको बैठक बस्दैछ । सो बैठकमा आफ्नो पक्षका नेताहरुको एकीकृत धारणा बनाउन कांग्रेस नेता डा शेखर कोइराला पक्षको नेताहरुको बैठक अहिले बसिरहेको छ ।
विशालनगरस्थित एक घरमा बसेको बैठकमा पार्टी सभापति शेरबहादुर देउवाले एकलौटी ढंगले पार्टी सञ्चालन गरेको र विधान मिचेको भन्दै सो सम्बन्धमा भोलि हुने केन्द्रीय समितिको बैठकमा एउटै धारणा बनाएर जाने सम्बन्धमा छलफल भइरहेको बताइएको छ ।
कांग्रेस केन्द्रीय समितिको यसअघिका बैठकहरुमा पनि कोइराला पक्षका पदाधिकारी र केन्द्रीय सदस्यहरु भिन्नै बैठक गरी सहभागी हुने गरेका थिए ।
