काठमाडौं । राष्ट्रिय सभा सदस्य देवेन्द्र दाहालले सरकारले ल्याएको बजेट कार्यकर्ता वितरणमुखी भएको आरोप लगाउनुभएको छ ।
जेठ १५ गते सरकारले प्रश्तुत गरेको आगामी आर्थिक वर्ष २०७९/०८० को बजेटमाथिको सामान्य छलफलमा बोल्दै उहाँले यस्तो बताउनुभएको हो । उहाँले सरकारले प्रश्तुत गरेको बजेट गठबन्धनको चुनावी घोषणापत्र जस्तै भएको बताउनु भयो । सदस्य दाहालले मुलुक भयानक आर्थिक शंकटमा भएको तर सरकारले शंकटलाई नदेखेको जस्तो गरेको बताउनु भयो । उहाँले बजेटमा विश्वसनीय श्रोतको व्यवस्था नभएको जिकिर गर्नुभयो ।
उहाँले भन्नुभयो, ‘यो बजेट गठबन्धनको चुनावी घोषणापत्र जस्तै छ । मुलुक भयानक आर्थिक शंकटमा छ तर यसले देखेको नदेख्यै गरेको छ । बजेटअनुसार को विश्वसनीय श्रोत व्यवस्था गरिएको छैन । यो बजेटले सामान्यतः अर्थ शास्त्रीय र अर्थ राजनीतिको दृष्टिकोणबाट हेर्दा पनि नेपाली जनतालाई मनोरञ्जन मात्रै दिन्छ । यो जन वितरणमुखी होइन, कार्यकर्ता वितरणमुखी हो ।’
उहाँले सरकारले प्रश्तुत गरेको आगामी आर्थिक वर्षको बजेट अहिलेको आर्थिक समस्यालाई समाधान गर्नेतर्फ केन्द्रित नरहेको टिप्पणी गर्नुभयो ।
