धनगढी। कञ्चनपुरको वेदकोट नगरपालिकाका मेयरसहितका जनप्रतिनिधि नेकपा एमाले परित्याग गर्दै नेकपा (एकीकृत समाजवादी)मा प्रवेश गरेका छन् ।
२०७४ सालको स्थानीय निर्वाचनमा एमालेबाट विजयी मेयर अशोककुमार चन्दसहितका जनप्रतिनिधि एकीकृत समाजवादी पार्टीमा प्रवेश गरेका हुन् ।
मेयर चन्दसहित वेदकोट नगरपालिकामा एमालेबाट निर्वाचित भएका ४ जना वडाध्यक्ष र वडा सदस्य लगायतका जनप्रतिनिधि एकीकृत समाजवादीमा प्रवेश गरेका हुन् । उनीहरुलाई एकीकृत समाजवादीका अध्यक्ष माधवकुमार नेपालले पार्टी प्रवेश गराएका हुन् । वेदकोट नगरपालिका– ३ दैजीमा आयोजित कार्यक्रममा उनीहरुलाई नेता नेपालले पार्टीमा स्वागत गरे ।
उनी पछिल्लो केही महिनायता एमालेसँग असन्तुष्ट रहँदै आएका थिए । उनले पार्टीभित्रबाट पेलानमा परेको कारणले एकीकृत समाजवादी रोजेको बताए ।
