काठमाडौँ । प्रमुख सत्तारूढ दल नेकपा माओवादी केन्द्रका अध्यक्ष पुष्पकमल दाहाल प्रचण्ड मुड फ्रेस बनाउन यतिबेला र्याफ्टिङ देखि जिपलाईनको मज्जा लिईरहनु भएको छ । परिबार सहित दाहाल बिहिबार दिउसो सिन्धुपाल्चोकको सुकेटेमा रहेको एक रिसोर्टमा पुग्नु भएको थियो । दाहालले सुनकोसी नदि मा र्याफ्टिङ समेत गर्नुभएको थियो भने काठमाण्डौ फर्कदै गर्दा धुलिखेलमा रहेको जिपलाइनमा मनोरञ्जन गर्नुभएको छ ।
यो पनि पढ्नुहोस- मुडफ्रेस बनाउन माओवादी अध्यक्ष दाहाल सुकुटेमा
नाति नातिनी सहित पुग्नु भएकाप्रचण्डले क्लासिक जिपलाइनको अनुभव लिनुभएको छ । सहासिक गतिविधिमा आफुलाई रुचि लाग्ने बताउँदै प्रचण्डले आफुले जिपलाइनको निक्कै मज्जा लिएको अनुभब सुनाउनु भयो । उहाँले भन्नुभयो "पारिवारिक घुमघाममा यस्ता गतिविधि गर्दा अझै रमाइलो भएको छ । "
सिन्धुपाल्चोकका केदार थापा र काठमाडौका भुपेश श्रेष्ठ ले वल्ड वाइड एड्भेन्चर प्रा लि मार्फत धुलिखेल जिप लाइन, रिसोर्ट र एडभेन्चर पार्क सन्चालनमा ल्याएका छन् ।
जिपलाइनको टेक अफ (थाक्लेडाँडा, धुलिखेल) देखि ल्यान्डिङ स्टेसन (खावा, पाँचखाल) सम्मको जिपलाइन दुरि ११ सय मीटर रहेको छ । भर्टिकल ड्रप दुई सय ४० फीट रहेको जिपलाइन ७० किलोमीटर प्रति घण्टाको औसत गतिमा पार हुन्छ।
काठमाडौबाट करिब ३५ किलोमीटर दुरिमा रहेको जिपलाइन २०७५ फागुनदेखि व्यवसायिक रुपमा सुरु भएको हो। धुलिखेलस्थित थाक्लेडाँडाबाट टेक अफ भई खावा, पाँचखालमा जिप लाइनको ल्याण्डिङ स्टेसन छ। क्लासिक, सुपरम्यान र टेन्डम (जोडी) गरि ३ प्रकारका जिपलाइन खेल्न पाइन्छ।
खावास्थित ‘ल्यान्डिङ स्टेसन’मा ८ फरक एडभेन्चर कोर्स सहित एडभेन्चर पार्क छन् । त्यहाँबाट लाङटाङ, दोर्जेलाक्पा, फूर्बीच्याचू लगायताका हिमाल समेत अवलोकन गर्न सकिनेछ ।
माओवादी केन्द्रका केन्द्रीय सदस्यहरु कृष्णप्रसाद सापकोटा ,माधव सापकोटा वाइसीएल का पुर्व अध्यक्ष दिपशिखा,जिल्ला सयोजक गोबिन्द पराजुली लगाएत नेताहहरुसंग दाहालले मुडफ्रेस बनाउनु भएको छ ।
शान्ति प्रक्रियामा आए देखी नै माओवादीका अध्यक्ष दाहाल तनाव कम गर्न सिन्धुपाल्चोकको बिभिन्न रिसोर्टमा जानु गर्नुभएको थियो । वाढी पहिरोको प्रभावले मुलुक आक्रान्त भएको बेला प्रधानमन्त्री शेरबहादुर देउवा स्थलगत भ्रमणका लागि सूदुरपश्चिमका जिल्लाहरुमा पुग्नु भएको छ भने दाहाल सुकुटेमा मुडफ्रेस बनाउन जानु भएको छ भने माधब नेपाल काठमाडौमा दलको काममा व्यस्त रहनु भएको छ ।
