काठमाडौं । झाँक्रीसँग यौन सम्बन्ध राख्न नमानेपछि श्रीमानले श्रीमतीलाई नदीमा डुबाएर हत्या गरेका छन् ।
३२ वर्षीया महिलाले झाँक्रीसँग यौन सम्बन्ध राख्न नमानेका कारण भारतको उत्तर प्रदेशमा उनलाई नदीमा डुबाएर हत्या गरेको प्रहरीले जनाएको छ । घटनामा संलग्न महिलाका श्रीमान र झाँक्रीलाई प्रहरीले पक्राउ गरेको छ ।
पतिले झाँक्रीसँग यौन सम्बन्ध राख्न बाध्य पारेको सो घटना छोराले देखेपछि सहयोग माग्दै कराएका थिए । त्यसपछि घटनाबारे कसैलाई नभन्न छोरालाई धम्की दिइएको बताइएको छ ।
प्रहरी अधिकारी आकाश कुलहरीले पीडितका भाइ राजेश कुमारले दादोन प्रहरीमा निवेदन दिएर आफ्नी दिदीले दुई दिनअघि डराएको भावमा आफूलाई बचाउन फोनमा आग्रह गरेको जानकारी दिएका छन् ।
सुरुमा घटनालाई सौहार्दपूर्ण रुपमा समाधान गरिएको थियो । अर्को दिन उनले श्रीमतीलाई नदीको छेउमा जान सहमत गराएर त्यहाँ लगी धकेलेदिएका थिए ।
घटनापछि मनपाल र सन्तपाल दुर्गा दासका नामले चिनिने झाँक्री नदी तरेर बदाउ जिल्लातर्फ भागेका थिए । उजुरी प्राप्त भएपछि प्रहरीले दुवै जनालाई पक्राउ गरेको छ भने महिलाको शव नदीबाट निकालिएको छ ।
प्रहरीले झाँक्री विरुद्ध यसअघि पनि आपराधिक क्रियाकलापको रेकर्ड दर्ता भएको बताएका छन् ।
