प्रालिका अध्यक्ष अर्जुनबहादुर सापकोटाले बुधबार सूचना जारी गर्दै कन्टेनर बेपत्ता भएको भन्दै नम्बर टिपाएका तर हालसम्म गाडीका कागजपत्र तथा बीमा पोलिसीको प्रतिलिपि नबुझाएका व्यक्तिहरूलाई यथाशीघ्र कार्यालयमा कागजात बुझाउन पुनः अनुरोध गरेका हुन्।
प्रालिले यसअघि पनि पटक–पटक सूचना जारी गरी आवश्यक कागजात तथा बीमा पोलिसीको प्रतिलिपि उपलब्ध गराउन आग्रह गरेको जनाएको छ। तर कतिपय कन्टेनर धनी तथा आफन्तले निवेदन मात्र दिएको र आवश्यक कागजात नबुझाएको प्रालिको भनाइ छ।
कागजात तथा बीमा पोलिसी उपलब्ध नगराउँदा बीमा कम्पनी र सरकारी निकायबाट प्राप्त हुने राहत तथा सुविधाबाट सम्बन्धित व्यक्ति वञ्चित भएमा त्यसको जिम्मेवारी प्रालिले नलिने सूचनामा स्पष्ट गरिएको छ।
प्रालिले भोटेकोशी बाढीबाट भएको मानवीय तथा भौतिक क्षतिसँग सम्बन्धित प्रक्रिया अघि बढाउन आवश्यक कागजात तत्काल उपलब्ध गराउन सम्बन्धित सबैलाई आग्रह गरेको छ।
